لعبة الثعبان

لعبة الثعبان — واللي ناس تسميها لعبة الحية وناس يسمونها لعبة الدودة — هي لعبة ساحة أونلاين: إنت ثعبان صغير وسط ساحة واسعة مليانة حلويات ملونة وثعابين ثانية، وكلكم تدورون على شغلة وحدة: تطولون.

الأكل مفروش بكل الساحة: حبّات ملونة تلمع. كل ما تاكل يزيد طولك وتتخن شوية، وكل ما تتخن تصير أقوى بس أبطأ بالدوران — فالثعبان الطويل يحتاج عقل أكثر من الثعبان الصغير.

قاعدة الموت وحدة وبسيطة: راسك ممنوع يصدم جسم أي ثعبان ثاني. إذا صدم تموت، وجسمك كله ينقلب حلويات بالأرض وكل الناس تجي تاكله. وبالعكس: إذا ثعبان ثاني صدم بجسمك إنت، هو اللي يموت وإنت تاكل منه — وهذا هو سر اللعبة: الصيد مو بالسرعة، الصيد إنك تكطع عليه الطريق.

وإذا صدمتوا راس براس، الأصغر هو اللي يموت. وبعد انتبه للحافة الحمرة مال الساحة: إذا طلعت بيها تموت بدون ما يلمسك أحد.

الجديد: صار بيها سيرفر لكل محافظة عراقية — بغداد، البصرة، الموصل، أربيل، النجف، كربلاء، ذي قار، بابل، السليمانية، كركوك، ديالى، الأنبار، واسط، صلاح الدين، ميسان، الديوانية، المثنى ودهوك. تختار سيرفرك من الشاشة الأولى (بغداد هو الافتراضي) وتدخل نفس الساحة ويا أي واحد اختار نفس السيرفر، بدون رابط وبدون حساب.

وإذا تريد تلعب ويا جماعتك بس، اكو «ساحة خاصة برابط»: تفتح ساحة ودز الرابط بالواتساب أو التلگرام، وكل واحد يفتح الرابط يصير وياك بنفس الساحة لحد 12 لاعب.

وبكل سيرفر اكو ثعابين ذكية (بوتات) بأسماء عراقية تلعب وياك حتى ما تلگي الساحة فارغة بأي وقت، وكل ما يدخل لاعب حقيقي ينقص واحد منهم.

بالساحة بعد قوى تنطيها لمسة واحدة: 🧲 المغناطيس يسحبلك الأكل من بعيد، ⚡ التيربو يخليك تطير بدون ما تنقص من طولك، 🛡️ الدرع ينقذك مرة وحدة من صدمة وحدة وينكسر، ×2 و×5 يضاعفون الأكل، و🔭 النظّارة توسّع نظرك حتى تشوف الخطر قبل ما يوصلك.

التحكم سهل: الگير اليمين يحرّك ثعبانك، أو اسحب إصبعك بالساحة ديركلي، وزر السرعة يخليك تركض بس يذوّب من طولك شوية. وفوق اكو ترتيب أطول خمس ثعابين بالساحة — هدفك توصل للرقم واحد.

تنلعب على الآيفون والأندرويد والكمبيوتر وجوّا تلگرام، بدون تحميل وبدون تسجيل، وأطول ثعبان وصلت له ينحفظ بتلفونك.